الله يكون بعونك خوية  وصدكني ما تضيج اله تفرج خلي عينك على رحمة الله واخوانك العراقيين هنا بعينكوا ما يقصرون عن مساعدتك  كلهم اهل غيرة ونخوة ويتسابقون لمد يد المساعدة وان شاء الله راح يطلعلك منهم ابن ابوه ويوكفلك وكفه ما تتوقعها وهسه تشوف  بس كول يارب

والله يا خوية كان الله في عونك زين انت ما كدرت تشوه او تحك شويه من بصماتك قبل ما تروح تبصم بالسفارة ؟ لازم اكو طريقة لاتلاف القليل من البصمات سواء عند التقديم في السفارة او قبل طلب اللجوء

اكلك خوية ألن اني هم سمعت مثل الاخ ان بصمة السفارات لا تظهر في سويسرا
اما عن ايطاليا فصحيح الي سمعته لابيها كمب ولا مساعدات يعني تلزم الشارع ودبر حالك اسوء بلد بالجوء هي ايطاليا

هههههههه معقولة هاي العراقيين التاريسين اميركا محد منهم عنده معلومات بهذا الخصوص ؟؟

اخواني الاعزاء محتاج هاي المعلومات باسرع وقت ممكن واذا احد يكدر يساعدني بهذا الامر اكون ممنون اله يراسلني على الخاص ونتفق ان شاء الله

السلام عليكم اخواني الكرام
اخواني اذا الواحد حصل فيزا سياحية الى اميركا هل يستطيع العبور الى كندا  بطريقة معينة دون المرور بالمعابر الرسمية  وهل اذا وصل كندا يستطيع طلب اللجوء هناك واذا اكتشفت كندا فيزا اميركا هل سيقومون بارجاعه الى اميركا ؟؟

ارجو الرد اخواني الاعزاء لمن لديه معلومات اكيدة

احلى قانون والله اذا عليه اسقط العراقية واني الممنون اقلها اتخلص من اللعنة الدائمية باسقاط الجنسية العراقية هههه

هي المشكلة شلون الواحد يقدم على هذه الاقامة وشكد طول المعاملة وماهي المستمسكات المطلوبة وهل شرط ان يكون مقدم على اليو ان لو لا
زين اذا الواحد عنده مهنة مثل اني فني لحام صيانة غزانات بترول ودخلت المانيا عن طريق تهريب وقدمت على لجوء هل ياخذون مهنتي بعين الاعتبار  وهل يشملني البرنامج ام لا ؟؟

اخواني الاعزاء فيز اوربا موجودة ومتوفرة في بغداد واستخراجها ليس صعب ابدا توجد شركات طلعهه عادي بس المشكلة وين المشكلة هي في فقدان الثقة باصحاب الشركات والشيء الثاني البصمة لان البصمة تعممت في السفارات بتاريخ 2/10/2012  والتبصيم يكون على جهاز سكنر وليس على ورق اذا التبصيم على ورق هاي بصمة جنائية بس اذا على سكنر هاي بصمة تتعمم على دول الاتحاد الاوربي
فالفيز موجودة واكو ناس اخذوها وسافرو عادي وتطلع ب 25 يوم حسب ما سمعت

الف الف مبروك للعم العزاوي هذا الفرج الكريم
الحمد لله انا تشرفت بلقائه في بيته والتعرف بعائلته الكريمة عندما كنت في سوريا انسان يعجز اللسان عن وصفه والله فرحت لهذا الخبر الرائع

والله اني يمكن اجي لعمان خلال ايام بس احتاج سكن لمدة من اسبوع الى 10 ايام يعني احتاج لاجار يومي  ما اعرف اسعار الاجار اليومي شكد للشقق المفروشة او الستوديو

عندي الحل
الناس ما تثق بابو الشركة لان التقفيص بفلس وابو الشركة هم يريد يضمن حقه وطرف ثالث يكون ثقة عند الطرفين صعب جدا
الحل الوحيد هو ينوضع المبلغ عند شركة حوالات معروفة او في الويستر يونيين  مع ابلاغ ابو الشركة بتفاصيل المبلغ ويكون عنده امانه لحين وصول الشخص ويزود الشخص برقم سري من ابو الشركة عندما يصل اوربا يتصل بصحاب الشركة وينطية الرقم حتى يروح ياخذ حقه واذا ما اتصل خلال  اسبوع من تاريخ السفر اوتماتيكي صاحب الشركة يستلم المبلغ
اما مال وصل امانة من شركة السفر فهاي ما تاكل ابدا

تحياتي لصاحب الاعلان وللمعلقين

خوية عمر ما انصحك بدفع اي مبلغ مقدما  لان التقفيص صاير بفلس بالعراق اما عن السفر من ايطاليا الى فلندا فصدقني ابدا مو صعب انت تقدر تحجز فندق كم يوم بايطاليا ترتاح بيهم ويوجد عرب كثير في ايطاليا تسئلهم عن محطات الحجز سواء طيران او باص او قطار   الى فرنسا والمانيا ومن المانيا قطار سريع الى السويد ومناك عبارة الى فلندا الدول الاوربية فيها ملايين العرب وومكن تسئلهم عن الحجز ويساعدوك

الان فيزا شنغن بدون بصمة مستحيلة تبقه ثلاث حلول
اما انك تقدم  لجوء في البلد الي اخذت بصمته
اما تقدم لجوء في بلد اخر وبلد المصمة ما يطالب باعادتك اليه
اما من تسافر وتوصل تقطع اصابعك حتى لا تطلع بصماتك هههههههههههههه
هاي طبعا اذا حصلت فيزا من شركة اصيلة ومو قفاصة وتنضرب بوري

اخي الاتفاق الي بيناتهم مثل الدبلن الدوله مانحة الفيزا هي الي مسؤوله عن اللجوء و الاتفاقيه اسمها Third Party Convention

والله ياخوية بعد انته اعرف مني بهاي الشغة  لانك بسم الله ما شاء الله مرجع لجميع المحتاجين معلومات
بس اني خلي اوصل كندا والي بيه خير يطلعني منها هههههههههه اله اقطع اصابعي كلهن  وعود خلي ياخذون بصمات باراك اوباما  شنهي عمي يلعبون علينه هذوله جماعة العم سام ههههههههه

ممنون ياطيب على المعلومات ربي يحفظك ويسهلك كل امر ومقصد

 اختي العزيزة  اذا انتي تحتاجينها خارج العراق وانتي من بغداد انا عن تجربتي الشخصية ما تحتاجين اي مكتب ترجمة  عليك ان تذهبين الى دائرة الاحوال المدنية الي تابعه الها  وهمه ينطونك صورة قيد جنسيتك معنون الى الى دائرة الجنسية العامة قسم الترجمة ينطونك  كتاب بيها جنسيتك  مترجمة عربي وانكليزي ويصدقونها وهاي الدائرة بشارع الرشيد بعدين تاخذينها الى مديرية التصديقات مال وزارة الداخلية عنوانها بمنطقة زيونه  تصدقينها وبعدها تصدقيها من وزارة الخارجية  

هاي التجربة اني مريت بيها  وسويتها ,, يارب اكون قدرت اساعدك بشي

جا قابل همه دبلن وبيناتهم بصمة مشتركة ههههههههههههههههههههه اني هسه حجيت ويه ولد باميركا ايكلي ماكو شغلة البصمة بين اميركا وكندا    هاي شلون طركاعة يا الن في بلاد المصايب  هههههههههه

واذا انطيت بصماتي بالسفارة الاميركية شنو راح تطلع بكندا ؟؟؟؟؟

طبعا لان همه نفس السستم و بيناتهم اتفاقيه

هاي شلون طركاعة يا خوية انوب على عيني طلعو نفس السستم هههههههه زين هاي البصمة الي ياخذونها بالسفارة هم الها مدة وتسقط لو شلون تبقه طول العمر يعني اذا غيبت نفسي مدة من الزمن في كندا هل البصمة والفيزا الها مدة وتسقط لو تبقه وشكد المدة ؟؟

واذا انطيت بصماتي بالسفارة الاميركية شنو راح تطلع بكندا ؟؟؟؟؟

في حالة لو حصلت فيزا الى امريكا هاي لو اعطوك متكدر تطلب لجوء الا في امريكا يعني اذا تروح لكندا رح يرجعوك لامريكا باعتباره هو البلد المسؤول عن اللجوء لان نطاك فيزا


هسه نجي على اللجوء اذا قدمت لجوء بامريكا لازم تعيش على حسابك لمده لا تقل عن 6 اشهر وره ال 6 اشهر ينطوك تصريح عمل تكدر تشتغل بي و تعيش الا ان يقررون ينطوك لجوء او لا بعد سنه و نص او سنه من التقديم لطلب اللجوء

تسلم اخوية الغالي الن في بلاد العجائب ,, على المعلومة المهمه , بس حبيت اعرف كندا  شمعرفهم اني قادم من اميركا يعني من اسلم نفسي اقدر اقول الهم اني دخلت كندا بجواز سفر مزور  ها ترهم لو لا ؟؟  بس المهم هل اقدر اعبر من اميركا الى كندا عن طريق القجق لان الي اعرفه الحدود طويلة بين البلدين  يعني مو شرط اعبر من منفذ حدودي

ياريت الي عنده معلومات يخدمنه بيهن

شو ولا رد شنو يمعودين يا عراقيين مو انتم تارسين اميركا هههههههههههههههه

السلام عليكم اخواني واخواتي الكرام
كثرت الاعلانات  والشركات التي تحصل على فيزا سياحية من بغدا الى اميركا والحصول عليها لم يعد صعب
السؤال
هل الشخص الذي يدخل اميركا بفيزا سياحية  يستطيع ان يطلب لجوء في اميركا ؟؟
هل يكون لديه نفس الحقوق التي يتقاضاها الاجئ ام لا
هل يستطيع عندما يدخل اميركا السفر الى كندا لطلب اللجوء باي طريقة كانت وهل توجد طريقة معينة للدخول الى كندا من اميركا

انتظر ردكم يا طيبينن

يارب يسهل امرك اخونه كلش محتار
والله للمره المليون اكولك لو تغيير اسمك يمكن يصير عندك تغيير نحو الافضل هذا رأي
تقبل مروري
اختك ام شاهين من سوريا

خيتي ام شاهين هيه اذا المسئلة تتعلق بالاسم والله مستعد ابقه بدون اصم بس اخلص بس شسوي يا خيتي اذا وين ما اديرها الكاها مسدوده

هسه اكو فيز شنكل من بغداد بس وين نلكي ابن الحلال المضبوط واني قبل فترة انضربت بوري وبعد مابيه حيل بوري ثاني ههههههههه كل اهل الشركات يردون المبلغ مقدم زين هذا اذا انطيه شكض منه اكلهم بويه نخلي المبلغ بشركة حوالات مكتب صيرفه اخذ فيزتي واسافر من اوصل اخابركم تستلمون حقكم ما يقبلون شسويلهم هههههههههههه

ما تشوفلي هاي البريطانية بلكي عدها اخت صومالية هههههههههههههههه اخ لو بس اعرف لغة انكليزية كان حصلت من زمان بس للاسف ثقافتي روسي وصيني هههههههههههههه

ههههههههههه حبيب ارمي سترونك مشتاقون وردة

شسوي ياخوية كل ما احاول على طريقة متصير اخر شي انضربت بوري بفيزا سويدية طلعت مزورة وراحت عليه 6000 دولار

انري اريد شغلة مضمونه واصولية ياخوية هسه كدامي هاي فرصة الزواج بس سمعت انو في القانون الجديد لازم نبقه متزوجين 10 سنين ياله نقدر نطلق  وهذا الشي ما يفيدني
وهسه احد الاخوان الاعزاء يكول الشغلة متصعبه اكثر يعني لازم يكون اكو علاقة سابقه وصور و وصولات وما عرف شنو هههههههههه

شسوي ياخوية جاي احاول على اي طريق بلكي ربك الكريم وفد طريقة تصيب واخلص من العراق

هههههههههههه هاي صايرة كلش صعبة زين اذا ما ملتقي بيها ابدا يعني علاقة وتعارف عبر الانتر نيت فقط

السلام عليكم اخواني واخواتي الكرام
سؤالي لمن يمتلك معلومات دقيقة

لو ان شخص اتفق مع سيدة عربية تعيش في كندا وتحمل الجنسية الكندية واتفق معها على الزواج مقابل مبلغ يتفقون عليه ويعيش معها في كندا لحين الحصول على الاقامة وبعد ذلك يتم الطلاق

سؤالي / كم المدة التي يجب ان يعيشهاها مع بعض  حتى يسمح لهم القانون الكندي بالطلاق
سمعت سابقا بان عليهم العيش متزوجين لمدة ثلاث سنين لكن اليوم سمعت احد الاصدقاء يقول في القانون الجديد اصبحت المدة 10 سنين حتى يسمح لهم القانون بالطلاق

ارجو الرد ممن لديهم اجابة صحيحة ومتاكد منها ولكم مني جزيل الشكر والامتنان

السلام عليكم اخواني الكرام
لو حصلت على فيزا اليابان وانا في العراق وسافرت الى اليابان هل يحق لي طلب اللجوء وهل اليابان تمنح حق اللجوء للعراقيين
اتمنى الرد منكم يا طيبين وجزاكم الله كل خير  وسهل امركم جميعا

[اخي العزيز هاي السعر احنا دنكولك عليه هو سعرر لمدة اقصاه 10 اياميعني احتمال انت ينطوك اقل من هالسعر كونه انت راح تبقى شهر]

اخي العزيز هاي السعر احنا دنكولك عليه هو سعرر لمدة اقصاه 10 ايام
يعني احتمال انت ينطوك اقل من هالسعر كونه انت راح تبقى شهر

ربي يخليك يا طيب بس هاي الاسعار كلش غالية يعني اني رايد شقة عادية منسابة يعني كلت بلكي احد الاخوان في اسطنبول يكدر ايساعدني  الشقق الفندقية ما تفيدني لان غالية كلش  يعني بلكي احصل شقة حسبة 500$ مع الكهرباء والغاز

صديقي العزيز هذا ارقام تلفونات ولد عراقي يعمل في شركة ائجار اسمي حيدر وتكدر تسال على السعر 0090536871102و 00905076481699 وهذا رقم وحدة اسمه ام محمد سورية في الفاتح منطقة كلش حلوة والسعر أكثر من 50 دولار لا تنطى 00905352654845 وهذا رقم سورى همين عندى شقق 00905395632841 والنقل مثل ما كلك الاخ مع التحية والوصول بسلامة اخوك ابو خلدون

تسلمولي ياطيبين الله يجزيكم كل خير  ويسهل امركم بحق رسول الله
 بس اخواني الاعزاء يعني اجار 50$ باليوم كلش هواي  يعني اني راح استاجر شقة لمدة شهر كامل مو يومي يعني على هاي الحسبة يكون الاجار 1500$  بالشهر ؟؟؟؟

والله محتار بين الاردن وتركيا الاردن اشوفها افضل من ناحية اللغة اقلها الواحد ما يدوخ بس سمعت ان الاردن تعاملهم مع العراقيين مو زين وحتى بالحدود يضايقونهم الي يعجبهم يدخلونه والي ما يعجبهم يرجعونه من الحدود

[وعليكم السلام اخويةبالنسبة لوصولك للمطار اذا المطار اللي راح تنزل بيها هي مطار اتاتورك فالوسيلة الارخص والاسرع هي الميتروتصعد ميترو من داخل المطار وتنزل منطقة اكسراي اكسراي مليانة عرب وعراقيين راح تلكه شركات نقل مكتوبة بالعربي نفس الوقت كاتبين شقق للايجارتكدر تاجر اسبوع او 10 ايام او شهر حسب رغبتك الايجار يختلف من وقت الى اخر يعني بالصيف سعر وبالشتا غير سعر يعني بالشتا ارخص من الصيفبما انه انت راح توصل 20 من الشهر الحالي يعني قبل 10 ايام من الكرسمس راح تكون الايجار غالية نوعا ماالاسعار تتراوح من 60 دولار الى 100 دولار لليوم الواحد حسب الشقة والنظافة والاثاث اللي بيهاطبعا السعر اللي انطيتك هي اسعار الصيف ما اعرف هسة اشكدتقسيم ما انصحك بيها لان اذا وياك عائلة متفيدك مجرد تروح تفتر بيها وترجعاني عندي صديق عنده شركة نقل وسياحة وياجر شقق اصله فلسطيني اذا لكيت رقمه راح انطيك اياه راح يفيدكاي شي ثاني احنا بالخدمة]

وعليكم السلام اخوية
بالنسبة لوصولك للمطار اذا المطار اللي راح تنزل بيها هي مطار اتاتورك فالوسيلة الارخص والاسرع هي الميترو
تصعد ميترو من داخل المطار وتنزل منطقة اكسراي
اكسراي مليانة عرب وعراقيين راح تلكه شركات نقل مكتوبة بالعربي نفس الوقت كاتبين شقق للايجار
تكدر تاجر اسبوع او 10 ايام او شهر حسب رغبتك
الايجار يختلف من وقت الى اخر يعني بالصيف سعر وبالشتا غير سعر يعني بالشتا ارخص من الصيف
بما انه انت راح توصل 20 من الشهر الحالي يعني قبل 10 ايام من الكرسمس راح تكون الايجار غالية نوعا ما
الاسعار تتراوح من 60 دولار الى 100 دولار لليوم الواحد حسب الشقة والنظافة والاثاث اللي بيها
طبعا السعر اللي انطيتك هي اسعار الصيف ما اعرف هسة اشكد
تقسيم ما انصحك بيها لان اذا وياك عائلة متفيدك مجرد تروح تفتر بيها وترجع
اني عندي صديق عنده شركة نقل وسياحة وياجر شقق اصله فلسطيني اذا لكيت رقمه راح انطيك اياه راح يفيدك
اي شي ثاني احنا بالخدمة

الله يجيزك كل خير على الرد والمعلومة بس شنو هاي الاسعار غالية كلش يعني 20 يوم اجارها اكثر من 1000 دولار ؟؟

السلام عليكم اخواني واخواتي الساكنين في تركيا ادعو الله سبحانه ان يسهل امركم ويفرج عنكم بحق هذه ليلة الجمعة انه سميع مجيب
اخواني الاعزاء انا باذن الله تعالى سوف اسافر الى اسطنبول  يوم 20/12  وسابقى تقيربا شهر او اقل لذلك احتاج شقة مفروشة تكون جيدة وللعلم احبتي هذه هي المرة الاولى التي اسافر بها الى تركيا وسوف اسافر عن طريق الطيران من بغداد الى اسطنبول لذلك احتاج مساعدتكم
1- اي اي منطقة تنصحوني بالسكن ويكون فيها جالية عراقية ومحلات عربية المهم تكون منطقة جيدة وهادئة
2- كم سعر اجار شقة غرفتين وصالة مؤثثة مع الكهرباء والماء والغاز  وهل يجب ان اعمل عقد اجار لشهر واحد ؟
3- ماهي وسيلة النقل من المطار الى المنطقة التي ستنصحوني بها هل هي تكسي وكم اجرة التكسي
اتمنى النصيحة والمعلومة الدقيقة منكم احبتي هل تنصحوني بمنطقة تقسيم لكثرة الجالية العربية فيها هل هي منطقة جيدة ومناسبة للسكن العائلي
جزاكم الله كل خير  وادعوه ان يفرج عنكم ويقضي حوائجكم ياريت شخص موجود في اسطنبول يساعدني بهذا الامر اكون له من الشاكرين

ارجع عمي ارجع العراق يرحب بك بس ياريت قبل ما ترجع تبلغ الحكومة الامريكية بانك راجع للعراق بشكل نهائي حتى يحذفون اسمك من اميركا وبهذا الشي راح توفر فرصة لغيرك يستحقها ويستحق العيش في اميركا
وما اعرف على شنو نزلت هذا الموضوع وجاي تحجي معاناتك يا عزيزي اميركا ما عاجبتك ما مرتاح بيها ارجع محد مانعك من الرجوع للعراق وابواب العراق مفتوحة امامك وما اعتقد اميركا راح تتوسل بيك علمود تبقه عايش بيها

مع كل هذا اتمنالك التوفيق في اي خطوة تخطيها

جميل جدا لكن يبقى السؤال كيف نحصل على البطاقة الزرقاء وماهي شروطها والشروط الواجب توفرها في من يريد الحصول عليها ؟؟

ارجع عمي ارجع اقلها رجوعك ايتيح فرصه العيش في امريكا لشخص يستحقها

ههههههه الحقيقة مافهمت شي من الموضوع يعني هل ههو عن تكاليف الدراسة في اميركا واستراليا لو هو دعوة للذهاب والدراسة في هذين البلدين
يعني هل قصدك ممكن اني اقدم واروح ادرس في استراليا مثلا دراسة لغة انكليزية اريد اتعلمها ؟؟
زين اني خريج معهد معلمين قسم اللغة العربية والحمد لله ولا طكة انكلوزو شلون اقدر احصل فيزا استراليا واروح ادرس هناك وكيف ادرس والبلد لغته انكليزي وانا ولا طكة ههههههههههههه

والله يا عزيزي ساسوكي هو الشعب كله يريد يفلت مو بس انته بس جيب الشخص ابن الحلال المضمون الي يطلعك

السلامعليكم جميعا اخوان طبعا اني بعمان واجاني تعليق بس دا ابحث عن طريقه للخروج الى اوربا وحصلت شخص انه يعمل فيزا الى هنكاريا اوبلغاريا وقال لي انه لاياخذ مصاري الى ان يصل الشخص المكان المطلوب اي يبقى يم شخص  ثالث معروف حسب قوله ماذا تنصحوني ولله تعبنا بعمان بس صرف فلوس وماكو فائده تحياتي ورايكم بالموظوع

اخوية سبيكر هاي خوش شغلة والاحسن بيها ان الدفع بعد الوصول بس اعتقد ياعزيزي ان هنكاريا وبلغاريا ليستا من ضمن دول الشنغن  واكو فرق بيت الاتحاد الاوربي ونظام الشنغن يعني مو كل الدول داخله بفيزا الشنغن على سبيل المثال بريطانيا  من ضمن الاتحاد الاوربي لكنها ليست من ضمن دول الشنغن  عليك ان تتاكد من هذا الامر قبل ما تخطو اي خطوة

الله يسلمك اخويه احنه الحمد لله زينين
بس متكلي انت يوميه مطلعلنه بلد شكل وتعالو حيروا بي ههههههه اتشاقه وياك
يارب يسهل امرك وتطلع وتبشرنه بطلعتك تره دير بالك مو تخليها سنطه
اخويه شغلة استراليا وين وصلت مو اتفقنه عليها واقتنعت ليش بطلت منها ههههههه
بس بربك ليش متغير اسمك بلكي تنحل شغلتك
تحياتي اختكم ام شاهين من سوريا

ههههههه اختي ام شاهين غير تخلص حيرتي حتى اغير اسمي  هههههه اما عن شفلة استراليا فما اتفقنه عليها عمي يومية غركان بلم واني ما اعرف اسبح انوب اصير تكه وكباب لاسماك القرش ههههه

ايباه ذكرتني باايام النضال مال البلان بي قبل سنتين من اخذتلي فره بل سعدون
انت فلوسك شكد؟

ارمي سترونج شلونك خوية مشتاقين ومشتاقين للبلان بي ههههههههههههه
 فلوسي اسكت وخليها لاتضحك علي شعب اثيوبيا هههههههههههههههه شني خوية تريد الناس تحسدني

والله ياعمي اذا ماحصلت فيزا مايبقه كدامي غير المجازفة اخذ فيزا بلاروسيا وهناك اشوف شلون ادبر حالي  اذا لكيت احد ايطلعني من بلاروسيا الى لاتيفيا والى استونيا ويصعدني العبارة اوصل فلندا خير على خير او من بلاروسيا الى بولندا وثم المانيا ومنك بالقطار للسويد ومنها بالعبارة الى فلندا هم خير على خير واذا مالكيت احد اجازف بنفسي واطلع على واحد من الطريقين

هسه لو عندي مركبة مثل مال فلكس الله يوفقه مو كان صعدت بيها ونزلت بالبرشوت على هلسنكي عدل هههههههههه

يابوية شيخلصني من العراق عمي ما اريد حصتي من النفط متنازل عنها يمعودين

هلا هلا باختي الغالية ام شاهين الحنينه الرائعة  شلونج اختي مشتاقون شخبارج والله باقي بقلق عليج يا اختي ام شاهين

احبائي بالنسبة لفلندا اني متاكد انا تستقبل لاجئين لان عندي صديقي هناك صارله شهرين من وصل وقدم على لجوء هو طلع تهريب من اليونان وهو كلي اللجوء مفتوح وعادي النمسا ايضا موجود بيها اللجوء بس شغلتها كلش معقدة ابسط شي جنسيتها 10 سنين ياله تحصلها

نعم اختي تيولب فلندا فاتحه لجوء وتستقبل وايضا النمسا تستقبل الحلو بهذين البلدين مابيهم ترحيل يعني حتى لو انرفض طلب اللجوء هم الواحد يبقه بيها ما ترحله واني رايد فلندا

السفر اماني نعم اخوية لازم يكون ضمان بالنسبه للفيزا اما عن البصمة فاي دولة تروح الها وتطلع بصمة الدولة الي ماخذ فيزتها يرجعوك عليها يعني اذا اخذت فيزا اسبانيا ورحت الى فلندا تطلب لجوء وطلعت بصمتك يرجعونك على اسبانيا اذا اسبانيا طالبت بيك يعني ما يرجعونك مباشر لا راح يقومون بمخاطبة اسبانيا ويكلولهم هذا الشخص وصل فلندا بفيزا اسبانيا بهاي الحال اذا اسبانيا طالبت بترحيلك الها يرحلوك واذا ما طالبت خلال 6 اشهر تبقه بفلندا ومودائما يرحلون يعني الي عنده قضيه قوية ما يرحلونه واذا دولة تعبانه مثل اليونان ما يرجعون الها حتى لو طلعت البصمة

والله ياخوية ياريت تكون مضمونه بس البصمة بالسفارات ما اعتقد جنائية هذا الي فهمته من الناس يعني البصمة بالسفارة راح تتعمم على كل دول الاتحاد الاوربي  والبصمة تعممت على كل السفارات الاوربية بتاريخ 2/10/2012 اما عن المطارات فالواحد يكدر يختار مطار مدينة موشرط مطار العاصمة ومو كل المطارات بيها تبصيم
يارت تسوي فضل بتفاصيل هاي الفيزا اكون ممنون منك

يابه صدك جذب يعني معقولة محد يعرف احد ايطلع فيزا شنغن بدون بصمة مضمونه وبسعر مناسب يبووووووووووووو اللطم خو ما اللطم يمعودين
والله طلعت روحنه يربي  شنو ماكو درب نخلص بيه من هذا الجحيم
اريد اروح لفنلندا واله اكعد بشمالها ويه البطاريق شلون فهموني شسوي 
مكاتب بغداد اغلبها قفاصة ويردون تدفع مقدم زين هذه من انطيه مقدم وفلت بعد شلزم منه مو صارت وياي وانضربت بوري معدل ب 50 ورقة وبعد مابيه حيل بواري

ان شاء الله بعد 40 سنة منن اجي لمونتريال  راح احضر هذا المهرجان الجميل وياريت نتلاقة عناك عزيزتي دحدوحة وتعزميني على شاي ساخن جدا هههههههههههههه

لايوجد اي ترانزيت على استراليا والشنغن فقط للاتحاد الاوربي

اقسم بالذي رفع السماء وبسط الارض لو الله كتبلي الطلعة وحصلت جنسية اجنبية اول شيء اسويه هو اسقاط الجنسية العراقية  ولو يملكولي العراق  من شماله الى جنوبة باسمي  ملك صرف هم ما ارجعله ومستع اعيش في اي بلد بالعالم بشرط مايكون لابلد عربي ولا اسلامي

كللوووووووششششش امبارك فايل اسطنبولي امبارك فايل اسطنبولي هههههههه والله خوية فرحتني بهذا الخبر يارب يتمملك بالف خير  ويوم الي اسمع منك خبر وصولك لهدفك دعواتي  الك اخوية  اسطنبولي الغالي

اخوية ابو ايهاب الغالي شلونك
خوية هيه هينه تضيع سنتين من الاعمر  وانوب  سنتين بالقلق والانتظار يعني السنتين ايعادلن 5 سنين  وهم ما مضمونه يجوز يقبلونك ويجوز ما يقبلونك يعني كلها مسئلة حظ لذلك اني اريد اختصر الطريق  واكو دول حتى اذا ترفضك هم ماترجعك يعني مابيها ترحيل مثل فلندا  واني كلت بدل ما اصرف فلوسي بتركيا او الاردن مع الذل والقلق والتفكير اطلع بيهن احسن واختصر الوقت خوية اني عمري الان 40 سنة

اشكرك حبيبي ... واني هم دخلت مثلك بنفس المعاناة...وحاولت ويه ابو شركة اطلع للجيك ومن هناك لدول الشنكن ...بس مرهمت وكلت بيها صالح (ولو دمرنا صالح) ورسه بالي على اليو ان...
صحيح ممكن مترجع 3 سنوات وبعدين...زين شلون تكدر تعيش هاي الفترة و بدون مساعدات..أحسبها زين وقرر
واني معاك هي طريقة سريعة وما بيها شلعان كلب ...بس كون تزبط على حجي الاردنيين...
اتمنالك التوفيق

ابو ايهاب زين واذا ما تزبط على كولت اليابانيين شنسوي  نلطم هههههههههه والله ما اعتقد تفيد غير الشنغن بس يا زلمة  ايجيبها ومضبوطة شو ما شاء الله العراق صار بيه التقفيص بفلس  واننوب النسوان بالخارج اتكله اتزوجيني واخذيلك مبلغ زين تكلك 30 الف بوية شني السالفة دخذيلك 20 الف وسهل الامر هسه قابل شراح تخسرين ههههههههه

اخي العزيز لاجئ محتار اولا الله لايحير عبده
ثانيا:  اني فكرت بهاي الفكرة قبل سنتين وهواية ناس مثلي ومثلك فكروا بيهة بس هاي طريقة الترانزيت نسبة نجاحهة ضئيل جدا..رح تسالني ليش؟؟؟

الجواب انو انت لمن تدخل صالة الترانزيت في اي مطار دولة اوربية ما من حقك تقدم عاللجوء لأن صالة الترانزيت ما تعتبر من ضمن هاي الدولة يعني بمعني اخر انت لمن تكون بصالة الترانزيت مال مطار فرانكفورت مثلا هذا ما يعني انو انت دخلت الاراضي الالمانية لذلك مو من حقك تقدم عاللجوء ...بهاي الحال المفرض شسوي؟؟؟؟ لازم تحاول تنهزم من صالة الترانزيت وتدخل المطار وتطلب لجوء لن داخل المطار ( عدا صالة الترانزيت) تعتبر من ضمن اراضي هاي الدولة وبذلك يكون من حقك تقدم عاللجوء

المشكلة وين؟؟ انت انت خاليا صعب جدا تطلع من صالة المطار لأن هم قبل هاي السالفة الاوربين تعبر عليهم هسة بعد ما تعبر لذلك يخلون تواجد رجال امن كلش قوي على باب صالة الترازيت

رحم الله والديك عيوني على هاي المعلومات والله يا خوية احتاريت بزماني هسه لو الله خالقني  امريكي او الماني شنو الي راح يتغير بالكون هههههههههههه هسه لو اكو فيزا شنغن مضبوطة ومابيها بصمة كان انحلت كل المشاكل وخلصنه من هاي الحيردة المستديرة
واذا تريد تتاكد اكثر من كلامي اكو عدة اخوان سافروا لمريكا كان ترازيتهم فرانك فورت ذكروا هاي الحالة انو تواجد قوى الامن بشكل كثيف حتى لحد يدخل المطار ويطلب لجوء..تكدر تطلع على مواضيعهم وتلاحظ كاتبين هاي النقطة

محبتي

اخوية ابو ايهاب الغالي شلونك
خوية هيه هينه تضيع سنتين من الاعمر  وانوب  سنتين بالقلق والانتظار يعني السنتين ايعادلن 5 سنين  وهم ما مضمونه يجوز يقبلونك ويجوز ما يقبلونك يعني كلها مسئلة حظ لذلك اني اريد اختصر الطريق  واكو دول حتى اذا ترفضك هم ماترجعك يعني مابيها ترحيل مثل فلندا  واني كلت بدل ما اصرف فلوسي بتركيا او الاردن مع الذل والقلق والتفكير اطلع بيهن احسن واختصر الوقت خوية اني عمري الان 40 سنة

اخي العزيز سنة 2007 انس افرت بطريقة مشابهة لهاي وصلت للسويد دورت منا مناك يمعود المطار فارغ زين شون طلعت اخذت جنطتي شفت شرطي كلت اجة الفرج رحتلة حجيت وياه انكليزي كلتلة يمعود اني مهاجر وبشاربك ولو مجان عندة شوراب هسة غير يسوي شي يحرك الجو مثل جماعتنا بكل برود كال امشي اوديك لمكتب الهجرة الموجود رحنا وسجلت لجوء ورة 2 سنتين انرفضت لاسباب مالكية
تحياتي

انتة تعرف شنو جرب مخسران شي بس عندي الك طريقة احسن حصل فيزة شنغن لفرنسا ومناك باي قطار لبريطانيا لان قريبة وقدم اهناك لجوء مراح يبين عندك دخولك عن طريق شنغن فيزة

لو اذا تريد سوي اللي تريد تسويه بس لازم عندك من تعرفة اهناك حتى تكون مضبوطة

اخوية الغالي ستيفان منور يا عيوني
كلامك صحيح الفيزا  شنغن اضمن بس منين تحصلها وياهو مضبوط وابن حلال يسويها الك خوية للاسف التقفيص صار بفلس بالعراق  واني هم انضربت بوري قبل 6 اشهر ب 6000 $ والحمد لله على كل حال  ياريت احصل فيزا فرنسا او اي بلد مناك اروح على فلندا لان هيه الان الاحسن بالللجوء واني عندي قضية جيدا جدا يعني لجوئي ان شاء الله مضمون بس المهم الوصول

هسه شركات السياحة ياهو تروحله يريد مقدمة  ويلمهن ويفلت اني بعد مقدمة ما ادفع دولار واحد ههههههههههه

اي اختي الغالية ام شاهين انا اسم على مسمى محار وحيرني زماني والله طلعت روحي من هذه البلد واريد اروح وين ما عند الله كاع المشكلة يا خيتي ان اليو ان في الاردن وتركيا ياخذ وقت يعني اقل شي سنتين زين بهاي السنتين الواحد شكد يصرف  مو اقل من 15 الف دولار وفوكاها المجهول ما تعرف تنقبل تنرفض  وقلق وتفكير بالانتظار   اني بيني وبين نفسي  كلت بدل ما اضيع سنتين من العمر خوب نفس المبلغ اشوفلي طريقة بيه واوصل الى اي بلد يعني بهاي السنتين مال تركيا والاردن اني محصل اقامة ومتعلم رغة ومستقر ومرتاح بس للاسف الى الان ما لاقي احد ابن حلال يساعدني  والثقة صارت شبه معدومة قبل فترة هم على اساس فيزا من شركة باربيل انني وياي 16 شخص وهم انضربنه بوري كل واحد 6000 دولار والجلد بعد ما يتحمل يا اختي لذلك ادور اي طريقة اطلع بيها

هيه المفروض متحتاج فيزة مادام عندك كونيكشن يعني مراح تبقى غير كم ساعه بالمطار واذا كانت سفرتك بالعكس يعني مناك الى العراق كان ماطلبو منك فيزة لاي دولة توكف بيها ترانزيت وهذا اللي مفروض والشي الطبيعي
لكن بالاونة الاخيرة بدو قسم من شركات الطيران متقبل تحجزلك اذا ماعندك فيزة لدول المرور وماعرف شنو حجتهم بس مثل مكتلك هاي بس اذا جنت دتروح مو ترجع وقسم منها مو كلها

اني هم سمعت نفس الي تفضلتي بيه يا زهرة الصبار بس هم نفس الشي يعني الواحد يقدر يروح يقضي اسبوع ومن يردع يطلب لجوء في بلد الترانزيت

حياك ربي اخوية الغالي روان تشتاقلك العافية ياطيب
كلامك صحيح وبهذا العام كان السفر شوية سهل للعراقيين وكان اللجوء متوفر بس الان شوية صعبة الحالتين
يعني اني حبيت اعرف اذا اخذت فيزا الى روسيا او بلاروسيا او اي بلد اخر خارج الاتحاد الاوربي وكانت رحلة الطيران ترانزيت بلد اوربي هل استطيع السفر عادي لو لازم اخذ فيزا ترانزيت من البلد الاوربي الي راح تتوقف بيه الرحلة

تعرفون اخواني الي تنسد بوجهه كل الابواب يبدي ايدور المعثرات بلكي وحدة تصيب  اليوم كنت ابحث في موقع طيران  للتسلية فقط اثار انتباهي شغلة الترانزيت وبديت ابحث عن رحلات الى بلد استطيع ان احصل على فيزته بسهولة مثل بلاروسيا
السؤال هو
هل اذا حصلت فيزا بلاروسيا على سبيل المثال وكانت رحلة الطائرة من اسطنبول الى بلاروسيا ترانزيت  النمسا او المانيا
بهذه الحالة هل استطيع السفر عادي بهاي الرحلو لو لازم اخذ فيزا ترانزيت من السفارة النمساوية ؟؟؟
 الحقيقة شفت بالموقع رحلات كثيرة من اسطنبول الى  بلاروسيا ترانزين فانكوفر وفيينا

والله فكرت بهاي الشغلة اذا تصير اسافر واطلب لجوء بالمطار

شتكولون  تصير لو اله فيزا ترانزيت من سفارة النمسا بتركيا

والله اني  من جنت في تركيا  صديقي طلعت الى رومانيا وقدم لجوء وذبو بل كم وبعده لحد هسة بل كم 

يعني شكد صارله بالكمب صديقك وشيكول عن رومانيا

والله اخوية تقريبن صاله 5 اشهر بل كمب وي كول رومانيا تعبانه مومثل بقية اوربا احسن شي روح الى النمسا احسلك والله عندي ولد صديقي هم بوكتهه طلع الى النمسا وي كول النمسا كلش حلوة وزينه وهسة هم هوه بل كمب
خلي بس يكول النمسا تنطي لجوء والله كريم 

اخوية الغالي اسطنبولي يعني اخوك الان في رومانيا يعني اكو كمب برومانيا ؟؟؟  زين اذا اكو كمب شكلك عليه زين لو لا بيه مساعدات لو لا شكد اطول وياخذ اقامة

ها اخواني شنو محد عنده معلومات عن رومانيا واللجوء فيها  ؟؟؟

اخي الكريم المشكله ليس في الوصول الى رومانيا
وانما المشكله الحقيقيه والكبيره طريقه الخروج من رومانيا الى احدى دول اوربا الغربيه
(طرق التهريب صعبه جدا + مبلغ كبير من المال) = الوصول الى الهدف غير مضمون انت وحظك

حي الله اخي مشيكان
يعني هل الدخول الى رومانيا اسهل من الخروج منها ؟؟ اني فكرت ان ابقه في رومانيا واطلب لجوء فيها يعني  احسن ما اجازف واطلع لبلد بعيد
بس ما اعرف شنو مميزات اللجوء في رومانيا وشلون العيشة فيها
زين هل التهريب من رومانيا صعب الى هاي الدرجة يعني اقصد من رومانيا الى المجر ثم الى النمسا واقدم لجوء بالنمسا

هاي هيه فكرتي اما البقاء في رومانيا اذا وضعها يساعد او الوصول من رومانيا الى النمسا مرورا بالمجر

ياريت احد يساعدني بهذا الموضوع اكون ممنون وشاكر للفضل

شنو لازم الصين فتحت لجوء للعراقيين هههههههههههههه

والله اني  من جنت في تركيا  صديقي طلعت الى رومانيا وقدم لجوء وذبو بل كم وبعده لحد هسة بل كم 

يعني شكد صارله بالكمب صديقك وشيكول عن رومانيا

جورجيا افضل برأيي

بشنو افضل جورجيا خوية  يعني اقلها رومانيا ضمن  الاتحاد الاوربي  هاي هم تعتبر ميزة الها بس هسه اني اريد اعرف اذا رحت وسلمت نفسي هل يوجد كمب هل توجد مساعدات  وشكد اطول هناك لحد ما اخذ اقامة  لاجئ اني عندي قضية زينه وادلة

يحفظك ربي عيوني روان العالي

هاي شدتسوي بروحك يمعود يا رومانيا تره تلعن الساعه الي قررت تطلع بيها من العراق اذا تريد تبقى برومانيا

ها اخوية الن سالمين شو خوفتني وسيبت مفاصلي شبيها رومانيا هم طافية بيها الكهرباء وعايشين على المولدات ههههههههههه جا خوية شسوي غير على كد امكانيتي والبلد الي اكدر اوصل اله  هسه غير كون نفتهم شبيها رومانيا

لولي  اني خادم لكل طيب اشيلكم على راسي والله بس المهم تسوون رجيم وتخففون من الوزن  ههههههه اكلك رحمة لاهلج مايمكم غرفة رخيصة للاحار  اني لوحدي حتى احي اقدم لجوء يمكم  الى ان الله يسهل واجمع فلوس الطيارة  ههههههههههههههه

اويلي عليك والله يكون بعونك يارب الفرج على الكل
تحياتي
اختك ام شاهين من سوريا

هلا ومليون هلا باختي الغالية ام شاهين عمي الله يكون بعونكم انتم على الضيم  والرعب الي عايشين بيه  هسه لو عندي فد 7 مليون دولار مو كان اشتريت طيارة خاصة وطلعتكم من سوريا هههههههههههههه

اخواني واخواتي الاعزاء
هل رومانيا تمنح حق اللجوء  الان وماهيحقوق الاجئ في رومانيا  يعني في اول التسليم في رومانيا هل يوجد كمب مساعدات
وكم تستغرق المدة للحصول على الاقامة وهل الحياة مناسبة للعش في رومانيا ام صعبة

اني ادري بنفسي ثقلت عليكم بس شسوي ما عندي غير الله وانتم  واني جاي ابحث عن اسهل طريقة والاقل اخلص بيها من العراق  ورومانيا سهل الوصول الها ان شاء الله

ممنون ومشكور من الجميع مقدما

الخيار صعب جدا الله يكون بعونك بس اذا تريد تقدم لجوء في اوربا فماكو امامك غير فنلندا او النمسا هاي الدولتين الي ينطون لجوء الان اما باقي الدول فشوية صعبة
ربي يوفقك ويسهل امرك

اخواني الغالين عجبتني منطقة صوفية الي يم شارع الاميرة عالية بنت الحسن شنو رايكم بهاي المنطقة زينه لا وشلون اجار الشقق المؤثثة بيها  يعني حتى اذا بس غرفة وصالة  والماء والكهرباء شلون اسعارهم  وهل هاي المنطقة قريبة على اليو ان ؟؟
مساعدتكم ياطيبين

ماكو شيء ثابت بالمواعيد يعني العائلة موعدهة اسرع من العزابي والعندة تقارير طبية وحالة انسانية هم اسرع وحسب كل شخص وحالتة يعني انتة احسب حساب اقل شيء شهرين موعد يله تقابل

يعني نكول الشغلة تاخذلها فد سنتين ثلاث هههههههههههه
عمي اذا سنتين زين  ممنون على ردك يا عمري  ربي يخليك بس ياريت احد ينصحني بمنطقة زينه اكعد بيها ويكلي شكد  احتاج مصرف بالشهر من اجار الى اكل وشرب

حبيبي الغالي محتار الله لا يحير عبدى تركيا غالية جدا وهسى المقابلات الى 2013 و2014 والغة صعبة واني من خالال خبرتة الموتواضعة بعد سنتين في تركيا عمان تكون احسان هوى والخيار الك اخوك ابو خلدون

اخوية الغالي ابو خلدون
يعني الان الاردن اسرع من تركيا ؟؟
ياريت لو اعرف شنو المواعيد الي جاي ينطونها للمقدمين جديد بعمان  حتى اتوكل على الله

روح الى تركيا احسن شي

اخوية الغالي اسطنبولي مشتاقين عيوني والله سمعت ان تركيا اسرع باللجوء  يعني كمعدل سنتين الواحد يطلع  بس ما اعرف يكولون الحياة غالية بتركيا  وهل ممكن اليو ان ينطوني اسطنبول لو لازم محافظة اخرى   ويا محافظة قريبة على اسطنبول  ومناسبة للعيشة اني اعرف ان شغل ماكو بتركيا يعني لازم اعتمد على الحوالات الي تجيني من العراق لذلك محتار بين الاردن وتركيا

الله يستر عليكم جميعا ويسهل امركم بالسفر بحق رسول الله  ويفرج عنكم
والله يا اخواني اني اريد سكن بمكان يكون هادئ ومناسب للعيشة  سمعت ان منطقة الشوفية  خوش منطقة بس  ما اعرف شكد اجار الشقة المفروشة بيها  يعني تكون شقة مناسبة حتى لو غرفة وصالة  ومطبخ  اني ما احب المناطق الشعبية وهمينه ما متعود اسكن مع احد احب اسكن لوحدي  يعني هل 4 ورقات يكفني سكن ومصاريف بعمان ؟؟؟
شكد مواعيد ينطون الان للمقدمين جديد للمقابلة الاولى
الاقامة شلون هل ورقة اليو ان تكفي
بيش خط انتر نيت شهري

السلام عليكم اخواني ان شاء الله تكونون بخير
اخواني اني جربت كل طرق الطلعة مافادت وهسه ما بقه امامي غير بس التقديم على un  بس محتار بين الاردن وتركيا وما اعرف مميزات كل بلد بالنسبة لمدة الانتظار او لمصاريف المعيشه  والله احتاريت يا اخواني الاعزاد ياريت النصيحة منكم لانكم اهل خبرة بهاي الامور اني لوحدي  حبيت اعرف يعني بتركيا او الاردن شكد يكفيني مبلغ شهريا  سكن وطعام اني لاحمد لله ماعندي مصاريف اخرى لا منا ولا منا
وجزاكم الله كل خير

اخواني بالنسبة لحجم الصورة شي جدا بسيط مجرد يكون عندك فوتوشوب بالحاسبة تفتح صورتك الشخصية بالبرنامج من قائمة الخيارات الفوق تضغط على خيار ( صورة) تطلع قائمة تختار منها ( حجم الصورة ) راح تفتحلك مربع بيه خيارات تخلي القيمة 600 بكسل  وتضغط اوكي بعدها تروح على خيار ( ملف ) بالعربي او فايل بالانكلوزو ههههه تطلع قائمة تنزل على خيار حفظ الصورة  تضغظ عليه تطلعلك صفحة تضغط اوكي تطلع صفحة ثانية بيها خيارات وتحديد صيغة الصورة خليه على خيار pJEG  وخلي الحفظ على دكستوب  واضغط اوكي

وبخدمة الطيبين

على كل هاي الامراض اعتقد تحتاج ورقة وفاة مو فيزا هههههههههههه
عمي روح على طيران الملكية الاردني وتحصل فيزا

للاسف ما جاي اشوف الفديو او الرابط  اتمنيت اشوفه والله

والله ياخوية اسطنبولي حقك والله يكون بعونك الانتظار قاتل جدا ويدمر نفسية الشخص بس ما بيدك شي غير الصبر يا خوية

اخي دير بالك تروح ع المكاتب الي بل سعدون تره كلهم قفاصين

والله يا خوية هو العراق صار كله تقفيص وهو هذه الي مخوفني اني شرطي واحد مقدمة ما ادفع ابد فلوسي تبقه بالبيت اسافر اوصل اخابر يستلم  هو اني لميتهن كوة انوب اذبهن بحلك قفاص هههههههههه

ياريت احد يعرف مكتب يكون ثقة واسعاره مناسبه ياريت اخواني او اي طريقة اخرى اوصل بيها الى فلندا او النمسا

روح الى مكاتب السفر الي بالسعدون

والله ياخوية المكاتب هواي بس اغلبها قفاصة  وكذابين وفوكاها يضربون بالعالي  شي يكلك ب 12 وشي ب 13 الف  يعني اسعار خيالية

روح للسفارة الاسبانية دينطون فيزا شنكن قبل شهر نطو لوالدتي فيزا وبدون بصمة (موقعها المنصور مجاور حلويات الخاصكي ) يعني اذا جاي من 14 رمضان تصير قبل الخاصكي اكو عارضة وحرس

بالتوفيق

خوية رحمة لوالديك شنو شروط السفارة الاسبانية بالنسبة للفيزا  وشكد تكلف  رحم الله والديك

السلام عليكم جميعا اخواني الحمد لله قدرت ادبر مبلغ تقريبا جيد واحتاج الى فيزا شنغن ياريت احد شعرف شركة او مكتب ايطلعها الي 
بشرط تكون بدون بصمة وبسعر مناسب وما ادفع اي مبلغ مقدم يعني فلوسي تبقه بالبيت مع كفالة جيراني  او اي ضمان يريد واسافر اوصل اتصل يستلم حقة
لان للاسف الثقة انعدمت جدا  واني قبل فترة انضربت بوري الله لا يراويه لاحد
ارجة مساعدتكم اخواني
انا من بغداد

اخوية روان اني ممفكر ببلاروسيا يعني ما ناوي ابقه بيها  هي مجرد محطة  قريبة من اوربا وفيزا بلاروسيا متوفرة ومناسب سعرها  جدا اني اريد ادخل بلاروسيا ومن عدها انطلق اما الى بولندا اطلب بيها لجوء او من بلاروسيا الى فلندا او الى بولندا ومنها الى النمسا
بس لازم اكو عرف مضمون ينتضرني في بلاروسيا ويوصلني لوجهتي  وهو هذه الي اريد بيه المساعدة من اخواني

بولندا بيها نمو اقتصادي اكثر من باقي دول الاتحاد الاوربي وبيها شغل

يا الله خبر يرفع المعنويات من الاخ بغداد
طيب سؤالي هل بولندا تقبل الاجئيين مثل باقي الدول هل فيها كمب مؤقت ومساعدات   والله الشغلة دخلت بدماغي جدا والان اني جاي ابحثن عن شخص  يكون في بلاروسيا  يستقبلني ويدخلني بولندا  واذا منها يوصلني الى النمسا احسن ونعمة من الله وكل شي بحسابه مثل مايكولون

ياريت اخواني تشدون حيلكم وتساعدوني بهذه الامر لان فعلا طلعت روحي من العراق اريد اروح على اي بلد بس المهم اخلص من العراق

الي عندة اي معلومة ياريت يسرلها الي على الخاص اكون شاكر فضله

هذا عراقي والله لو تصير بولندا جهنم هم تبقه ارحم من العراق هههههههههه هسه هيه صاحة ياخوية
دخل الكي احد يوصلني والله من باجر اطلع واخذ صاحبي الدايخ وياي

اخواني الغالين ميشكان  وروان
هو لو عندة امكانية كان اخذ شنكل بس وضعة مو كلش وما يساعدة على الشنكل  ومثل ما تفضلتو التهريب مو سهل بس هاي في حال اذا راح يعبر اكثر من دولة
 بس الحلو بسالفته ان فيزا بلاروسيا  سهل الحصول عليها ورخيصة  يبقه امامه بس يعبر الحدود الى بولندا يعني دولة وحدة فقط بس ما نعرف هل بولندا تنطي لجوء لو لا وهل بيها مساعدات للاجئ او لا

يعني ما اعتقد دخول بولندا صعب من بلاروسيا  يعني خو ما كل 10 امتار مخلين نقطة  حرس ههههههههه اكيد اكو منافذ ممكن يدخل منها اني جاي احاول اشوف مهربجي يدخلة بولندا وجاي ادور والله اذا لكيت اروح وياه هههههههههههههه

بس ياريت نعرف هل بيها لجوء هل بيها مساعدات للاجئ في بداية لجوئه

الف الف مبروك وادعو الله سبحانه ان يوصل بالف سلامة ويجعل له الحياة الكريمة والسعيدة ودعواتي للاخرين ان يسهل الله امرهم ويعجل في سفرهم بحق هذا يوم الجمعة المبارك

السلام عليكم اخواني الغالية

قبل يومين سئلتكم عن الامارات لان صديقي يريد ايروح الها ويقدم على لجوء وبعد ما اتفق الجميع على ان الامارات متفيدو واني  شوفته الردود كلها اجت براسه اليابس فكرة  جديدة من بعد ما شافني اقلب بالكوكل ارث هههههههه كلي اسئل اصدقائك الحبابين اذا حصلت فيزا بلاروسيا وهيه سهل الحصول عليها من بغداد اذا حصلتها  هل اقدر ادخل بولندا عن طريق التهريب لان الحدود ما عليها رقابة قوية هل سهل الدخول الها ام صعب  وهل بولندا تنطي لجوء الان وهلي بيها كمب او مساعدات
لو يطلع تهريب من بلاروسيا الى لاتيفيا واستونيا ومنها بالعبارة الى فنلندا

اجيلكم الصراحة اخواني اني من شفت الخريطة دخلت بدماغي فكرة هذا صديقي  وسئلت نفسي ليش محد فكر بهذه الشي وخصوصا بلاروسيا حدود اوربا وقريبة على  فنلندا وبولندا والمانيا

شتكولون يا طيبين بفكرة هذه العبقرينو 

ممنون من الجميع والله لا يحرمني من وجودكم وان شاء الله يجي يوم قريب تتراسلون ويانه وانتم في اوطان جديدة ومرتاحين

اخويه العزيز يا امارات هاي الي يقدم منها اصلا اعتقد الامارات ابطئ دولة بالتقديم هذا كل كوم وتعامل ال يو ان اهنا كوم ثاني ادكول كاعدين انكدي منهم احنه ميتحجون وشايفين نفسهم ...

ومثل مكالوا الاخوان الي قبلي الامارات صعبة الحياة بيها يعني تشتغل طول اليوم صبح وليل ويادوب سد بسد لان اذا اشتغل اكو سكن والسكن غاالي والمواد الغذائية غالي خو اذا لاقدر الله يتمرض فهذي كااارثة بس الكشفية وحدها قريب ال 300 دولار واذا تخصص 400 والدوا فد 200 ...

هذا غير مصاريف الاقامة الي هي تقريبا صارت مستحيلة غير فواتير الكهرباء الي تكسر الظهر والمي والغاز والطريق حتى بفلوس والاتصالات غالية .... نصيحة لوجه الله خلي يقدم من تركيا لو الاردن والافضل من العراق اسرع ملفات هي ملفات العراق

داحجيلك من واقع تجربة 10 سنين راحت كلها تعب وشغل بدون اي فائدة كله سد بسد

مشكورين اخواني الغالين على ردودكم واكيد كلامك هو واقع حال وعن تجربة والي يريد ياخذ النصيحة ياخذها والي ميريد فهو ح  وانتم الي عليكم سويتوه وقدمتو النصيحة وجزاكم الله خير عليها

الاخ العزيز راح ابجي

شلون ايقدم من العراق الي اعرفه من العراق لازم يكون مشتغل مع القوات الاميركية او مع شركات مشتغله وياهم هذا الي فهمته من مواضيع عينكاوا  وصديقي لا مشتغل وياهم ولا اله دخل بيهم

michigan مشكور اخوية الغالي على النصيحة والشكر ايضا لكل الاخوان الي علقو ربي يبارك بيكم ويحفظكم يا طيبين
الي فهمته هي اول شي صعوبة الحصول على الاقامة واما المعيشة اذا حصل عمل يكدر يعيش عادي في الامارات  واكيد الغلاء يختلف من مدينة الى اخرى

طبعا الاخوان ماقصروه في الاجابه
اني ساكن في الامارات 10 سنوات لضروف قاسيه اتيت الى سوريا
طبعا اولاحكومة الامارات ماتعترف بورقة اليوان
واليوان ماتستقبلك والي هيه غير مسوله عليك اذا عندك اقامه اوماعندك هيه تريدك من تجي تقدم انت عندك اقامه رسميه
وبعدين صديقك داخل للامارات قبل اذا ماداخل قبل مايعطوه فبزه
واحنه كنا ساكنين نسميها اميركا من شددت الغلاء الي فيها
يعني بس اقول الك اني ضلت 10سنوات واشتغل ليل نهار وطلعت مطلوب
واخويه الله يسهل عليك

الله يكون بعونك يا خوية  لعد هاي الناس شلون عايشه في الامارات الله ايساعدهم

شنو خلصت الدول بقت بس الامارات للجوء 

اصلا اذا تروح للامارات امورك كولها رح تتعرقل من ناحية اللجوء لان كولش بطئ مناك

هههههههههه هو قناعة الامارات ما يريد ايروح غير بلد نصحته بتركيا ما قبل

يعني شكد ايطول سنتين ثلاث  عشرة هههههههه

اليو ان متنطيك ورقه حمايه
واذا انته تجاوزت الحد المقرر للفيزه عليك غرامات كل يوم 100 درهم
يعني لازم تطلع اقامه وتشتغل
والمصاريف هناك كلش مرتفعه
انصحك تقدم من غير مكان
تحياتي

شلون متنطي ورقة حماية لعد شنو الي يشبت ان الشخص مقدم على اليو ان ؟؟؟ وشلون ايسووله ملف باليو ان ؟؟

هاي معلومة جديدة ما سامع بيها من قبل  ,,, اكيد الي يدخل للموضوع راح يستفاد من هاي المعلومات مو فقط صديقي

الله يخليكم ويحفظكم جميعا على الردود يا طيبين بس اعتقد اما اني ما وضحت الصورة او يمكن جنابكم ما قهم سؤالي الي هو

1-  اذا صديقي دخل الامارات بفيزا سياحية لمدة شهر  هل يقدر يقدم على اليو ان ؟؟ هوه عنده كيس جيد جدا
2- هل اذا اليو ان قبلوه وانطوه ورقة حماية هل الامارات تعترف بهاي الورقة يعني تحميه من الترحيل  بعد انتهاء شهر الفيزا
يعني بالاردن وسوريا  وتركيا ورقة الحماية مال اليو ان توف الحماية لحاملها حتى اذا ما عنده اقامة
هل هذا الشي ماشي بالامارات 
لوماتفيده بشي الورقة
زين اذا صاحب شركة بالامارات شغله عنده يعني يسويله عقد عمل هل بهاي الحالة يحصل اقامة ؟؟

الاخ العزيز الزنداوي تقول الامم المتحدة متستقبله كلاجئ اذا ما عنده اقامة؟؟ يعني لازم يحصل اقامة ياله يقدر يقدم على لجوء باليو ان ؟؟؟

السلام عليكم اخواني الاعزاء عندي صديقي وجاري يريد يسافر الى الامارات وطلب مني ان سائلكم اذا دخل الامارات كيف يحصل على اقامة وهل اذا قدم على اليو ان  وحصل على ورقة الحمياة هل هذه الورقة تعتبر اقامة مثل ما هية في سوريا والاردن ؟؟؟ لو اكو طريقة اخرى يكدر يحصل على اقامة 
هوه شويه وضة المادي على كد حاله ويريد يبقه في الامارات ويقدم على اليو ان

نصيحتكم وجوابكم يا طيبين الله يفرج عليكم ويجزيكم كل خير

اخوان هل اكو طريقة فعالة اقدر اتجنب بيها البصمة في السفارة الايطالية  بحيث حتى اذا بصموني في السفارة ما تطلع في النمسا ؟؟؟ يعني عملية تشويه بسيطة

اخي العزيز انت الفيزه مالتك بس ايطاليا واذا رحت وفلتت بيه لغير دوله راح يعرفون من البصمه ويرجعوك لايطاليا احسن شي من توصل ايطاليا باذن الله ماكو داعي للقطارات واللف والدوران لان محد حيخسر بس انت قدم بايطاليا على لجوء وشوف شيصير وياك وماعندك غير رحمة الله

اخوية الغالي شايلوك  / ممنون منك على النصيحة ياطيب جزاك الله كل خير
اخوية ياريت انقبل في ايطاليا عادي جدا  مهما يكون تبقة افضل من بقائي في العراق بس المشكلة هيه مادية يا خوية الي اعرفه ان ايطاليا  لابيها مساعدات ولا بيها كمب للسكن
طيب اذا قدمت على لجوء بايطاليا اني وين اروح الي اعرفه الي يقدم ايكلوله دبر نفسك زين اني شسوي  وين اسكن ومنين اصرف  اني من اقدم على لجوء في اي بلد ما اريد ابقه معتمد على مساعداتهم والسكن الي يوفروه للاج اني اريد اشتغل واعتمد على نفسي
 بس اكيد هذه الشي ما يتحقق بسرعة يعني في ايطاليا اكيد احتاج اقل شي 6 اشهر  الى ان اتعلم شويه لغة واتعرف على الناس والاقي عمل اعيش منه ولو كان عندي مبلغ ايمشيني كم شهر والله ما ابقه يوم واحد في العراق واني ما اعرف احد لا في ايطاليا ولا في غيرها  وهي هاي المصيبة والمشتكى لله سبحانه

ألن اقسم برب العباد كلامك عندي يسوه الدنيا ومابيها  ومشاعرك الطيبة ما تقدر بثمن ابدا الله يجيزك كل خير ويحفظك بحق انبياء ربي جميعا

ألن الف شكر على الرد بس احجز قطار واحجز باخرية  كأني عايش هناك واندلها كلها ههه
اول شي اني ما واصل اوربا قبل ثاني شي ما عندي لغة اتفاهم ويه الناس شلون احجز وشلون اتنقل هي هاي المعضلة والكارثة طيب سؤال اذا اني فيزتي مو شنكل كيف سمحولي بالسفر بالقطار الى بلد خارج ايطاليا ؟؟ الان اهم شي اني الاقي ابن حلال في ايطاليا بس يستقبلني بالمطار  ويشوفلي طريقة اطلع بيها  واذا ممكن احجز بقطار بس ايساعدني بالحجز ورب العباد تعبت والتفكير  راح ايجنني
ربي يخليك واشكرك على ردك

اشكركم اخواني الاعزاء على ردكم ومحاولة مساعدتي وخصوصا الاخ نوفل الله يجيزكم كل خير ويبارك بيك اقسم بالله مجرد محاولة المساعدة منكم تدخل الراحة للقلب حتى اذا كانت المساعدة  بالكلام والنصيحة فقط  والنعمين منكم يا طيبين

اخواني  الاعزاء وخصوصا الاخ نوفل الفيزا هي لايطاليا فقط وليست شنكل  فكيف اقدر ادخل فرنسا ؟؟

الحقيقة يا اخواني اني امكانياتي المادية بسيطة يادوب اقدر احصل فيزا ايطاليا فقط وليس شنكل والولد كلي تبصم بالسفارة  والله تعبت يا اخواني وضاقت بي الدنيا بما رحُبت وما اعرف شسوي اريد اطلع من العراق بكل صورة وطريقة صار عمري 40 سنة  وتعبت كلش ومشكلتي كبيرة بالعراق  مع الحكومة لو الضرف المادي يساعد كان اخذت شنكل بدون  لكن لا يُكلف الله نفسا الا وسعها
احمد ربي على كل حال

الله لا يحرمني من وجودكم اخواني

اخواني الاعزاء حياكم ربي وسهل امركم جميعا ان شاء الله

احبتي الطيبين لمن يملم معلومة اكيدة ينصحني بها , باذن الله لو حصلت على فيزا ايطاليا فقط وليست شنكل واذا كن يوجد تبصيم في السفارة الايطالية في بغداد

1- هل هذه البصمة سوف تعمم على الاتحاد الاوربي  وتؤثر على طلبي للجوء في اي بلد غير ايطاليا ؟

2- اذا وصلت ايطاليا بهذه الفيزا هل استطيع العبور الى  النمسا عبر الحدود وهل يوجد تدقيق على الحدود بين النمسا وايطاليا ان علي الدخول من مكان اخر يعني تهريب ؟

3-هل النمسا اذا اكتشفت بصمتي ستقوم باعادتي الى ايطاليا وماذا سيكون موقفي في ايطاليا  هل ستقوم ايطاليا باعادتي للعراق ام انها ستبقيني في ايطاليا  لتقديم طلب لجوء

4- هل استطيع العبور من ايطاليا الى فنلندا دون مشاكل لكوني اعلم بان فنلندا الاسهل والاسرع في  اللجوء من باقي دول الاتحاد الاوربي وهل تنصحوني ببلد محدد

5- انا امتلك كيس جيد جدا وعندي اثباتات حقيقية  فاي الاد تنصحوني الذهاب اليها  وهل يوجد من يساعدني في الخروج من ايطاليا  لكوني للاسف لا اعرف احدا في اوربا وليس لي غير الله سبحانه عليه اتوكل في كل شيء

6- اي طيران تنصحوني ان اسافر عليه  وهل استغل الترانزيت اذا كان في الرحلة ترانزيت الى بلد معين وامزق جواز السفر واطلب اللجوء في بلد الترانزيت

شاكر للجميع مساعدتهم وجزاكم الله عني وعن كل من يستفاد من معلوماتكم وادعو الله سبحانه ان يفرج عليكم جميعا ويسهل اموركم ويرزقكم غاياتكم وهو ارحم الراحمين

(( من فرج عن اخية كربة من كرب الدنيا فرج الله عنه كربا من كرب الاخره ))

سؤال من باب الفضول احبابي
هل تطلب السفارة في العراق اي اثبات لرابط الخطوبة  او لا
وهل اذا كان فارق السن كبير بين الخطيبين يسبب مشكلة او لا يعني اذا الرجل عمرة 40 والسيدة عمرها 50 هل اكو مشكلة بالموضوع
يعني معلومة منكم ممكن يستفاد منها  اي شخص
 مع شكري للجميع على المجهود بالردود

ههههههه الاخ نماز ما وصلتله الفكرة من الردود
اخوية الغالي فيزا ماكو اذا انته من العراق مجرد تروح على اي مكتب طيران تقطع تذكرة وتصعد طيارة وتتوكل على الله الى ماليزيا  بدون فيزا من توصل ماليزيا  بالمطار يختمولك الجواز   بيه اقامة شهر كامل  عاد انته هناك ادبر حالك وتحصل اقامة اما توضع مبلغ جيد في البنك اعتقد بحدود 5 دفاتر او تفتح مطعم او اي مصلحة او تفتح شركة  او تدخل معهد لتعليم اللغة بيه اقامة 6 اشهر  والله لو امكانيتي زينه كنت رحت وياك اقلها اخلص من العراق

بالنسبة لجورجيا مثل ما تفضلتو بلد وضعة الاقتصادي تعبان ومن الصعب تعلم لغته الجورجيا
 الحياة بيها رخيصة نوعا ما  وكلشي متوفر وكل شخص حسب امكانيته
الى الان العراقي يدخل جورجيا بدون فيزا عندي اصدقاء راحو سياحة   ودخلو ورجعو بالسلامة
 سمعت من اصدقائي ان الشعب الجورجي ودود نوعا ما  وعادي كل واحد بحاله
اجار الشقق الزينه من 200$ وصاعد
الي عنده فلوس يكدر يفتح مشروع ويشتغل عادي جدا
والي عنده فلوس يكدر يكعد هناك اذا ايريد راحة باله 
من الحدود والمطار ينطون سنة اقامة اول ما تدخل
بلد جميل جدا ويتمتع بطبيعة خلابة
السفر برا من بغداد  ايكلف بحدود 400$ الى جورجيا بس الطريق طويل ومتعب جدا
اذا تسافر عن طريق البر لازم تحصل على فيزا تركيا ومن تركيا تسافر الى جورجيا
واذا السفر  طيران فما تحتاج اي فيزا يكون السفر من بغداد الى اسطنبول ومن اسطنبول الى العاصمة تبليسي
سعر التذكرة كاملة من اربيل تقريبا 860$ ترانزيت اسطنبول

بخدمة الطيبين

الشكر لله وحده اخوية الشائع

اخوية  USA اني انطيتهم ورقتين عي عبارة عن كفالة وشهادة جنسية استنساخ اخذو 48$ مهما يكون اهون من الدي اج ال الي طلب 95 $ بس اني عجبني الموقع مال ارامكس  يعني يعني تتبع الشحنة بكل دقة ويومية

السلام عليكم اخواني واخواتي وادعو الله سبحانه ان يحفظكم اين ما كنتم
قبل ايام كنت اريد ارسالة ورقتين عاديتين عن طريق البريد السريع dhl من بغداد الى الجزائر العاصمة ذهبت الى مكتبهم في المنصور طلب مني مبلع 70$ فرفضت وذهبت الى فرع فندق فلسطين فطلب على نفس الورقتين مبلغ 95$ يعني كلمن بكيفه تقفيص
اكو خلف مكتب dhl مكتب شركة aramex ذهبت اليهم فطلبو مني مبلغ 48$ فقط وقالو ان اوراقك تصل بعد ثلاثة ايام وتستطيع تتبعها يوميا عن طريق موقع الشركة
وفعلا سلمتهم الاوراق والمبلغ واخذت الوصل  وبيه رقم الشحنة مالتي اول ما وصلت البيت فتحت النت ودخلت على موقع الشركة ووضعت رقم الشحنة ظهر لي تفاصيل  شحنتي وصرت كل يوم اتابعها شي جميل طارت من بغداد يوم السبت وصلت الى دبي  استلمتها الشركة ويوم الاثنين وصلت الشحنة الى الجزائر العاصمة منتصف الليل ثاني يوم الصبح استلمها مكتب التوزيع  العصر الساعة 4 استلمها الشخص المرسل اليه فد شي جميل جدا والله انصح بالتعامل مع هذه الشركة لرخص اسعارها والجميل بهاي الشركة اذا ما يتصل بيهم المستلم وعلى الشحنة عنوان كامل يوصلوها اله للبيت

الله يكون بعونك عمي الغالي ويحفظك يا طيب وشاكر سعيك ومحاولتك يا طيب

رحم الله والديك اخوية القرموطي والله ا اعرف شكول اني هسه منتظر الاخوان الي بجرمانه بلكي احد يوصله ويطمني عليه  بلكي عمي العزاوي يجيبلنه خبر خير ويطمن اهله

الله ايبارك بيك عمي العزاوي وجزاك الله كل خير  والنعمين منك ومن كل الطيبين

مشكورين اخواني الله يستر عليكم بحق هذا الشهر الكريم ويفرج عنكم ويحفظكم
اخوية رزاق  هو يمكن مطعم اسمة ابو نؤاس هسه خابرت اخوه في بغداد الي كلفني ايكلي المطعم ايصير بشارع يمه ملاهي ليلية وسيطرة  واسم صاحب المطعم (( خيري ))  الولد اسمه حسن زامل   ياريت تسعيلي بهاي الشغلة وجزاك الله الف خير يا طيب واذا لكيته كله خابر اخوك محمد اهلك قلقانين عليك  هم جاي ايخابرونه على تليفونه مغلق

السلام عليكم احبتي في سوريا وادعو الله بحق هذا الشهر الطريم ان يحفظكم جميعا
عندي صديق اليوم كلفني اسال عن اخوه عراقي ساكن في جرمانة منذ سبعة ايام انقط الاتصال بينه وبين عائلته 
اسمه حسن زامل حنون يعمل في جرمانة مسمكة ابو نؤاس
اتمنى لو احد الاخون من الساكنين هناك ان يسئل عليه ويطمني  وجزاكم الله كل خير
والله عائلته باقين بقلق متواصل

الف شكر اخواني على ردودكم راح ابلغه ايروح على العنوان بلكي الله تكون موجودة ممنون منكم يا طيبين

السلام عليكم اخواني الاعزاء  عندي صديق حصل على دعوة من صديقة في الجزائر  بس للاسف ما يعرف عنوان السفارة الجزائرية في بغداد
 ياريت اذا احد يعرف عنوان السفارة بالضبط ورقم تليفونهم ان امكن
شاكر فضلكم احبتي

ياريت بس تأكيد بوجود طيران من سوريا الى جورجيا الان انا ان شاء الله نويت على جورجيا وجهزت كل اموري وباذن الله نهاية هذا الشهر اسافر كنت ناوي اطلع الى جورجيا عن طريق تركيا بري بس اذا اكو طيران من سوريا يكون افضل بكثير

اخواني الاعزاء جورجيا وضعها الاقتصادي تعبان جدا يعني  اذا ما عندك احد ايساعدك ماديا ما راح تكدر تعيش شغل ماكو وصعوبة اللغة جدا صعبة
ادعو بالتوفيق للجميع

الحقيقة فكرة حلوة كلش بس لازم تنحسب حساب زين يعني اول شي شلون تحصل فيزا فيجي بعدين منو كال رجلة القارب 5 ساعات يعني هسه شفتها بالكوكل ارث المسافة بين فيجي واستراليا تقريبا 2800 كم  هسه اهم شي فيزا فيجي شلون تتحصل وهل يعطون فيزا للعراقيين لو لا

يبووووووووووووو شني هاي شو كلش غاليه شدعوة خمس دفاتر  الي نعرفه  اكثر شي دفترين  بس والله يا عمي تردون الصدك اشتعل ابو الفلوس مقابل راحة البال  والعيش حياة كريمة  عمي عندي 50 ورقة مابيهن  وحدة تتزوجني حته لو عورة وتك رجل  وايد وربع  يعني كون مصنفه

هل من مجيب ههههه حبايب شكد ياخذ ابو التكسي من الحدود التركية العراقية الى حدود جورجيا او مدينة كارس والله اشوفها احسن من الطيران لان مابيه حيل اروح على انقرة بعيدة جدا

عمي اني وياكم وين ما ترحون

مشكو اخوية شلش بارك الله بيك بس اني كلت شيوديني لانقرة مسافة بعيدة جدا من حدود العراق الى انقرة وبعين ارجع على جورجيا  اني كلت الاحسن انو من حدود العراق مباشرة الى الحدود الجورجية بس ما اعرف هل اكو باصات من حدود العراق الى كارس واذا ماكو شكد ياخذ ابو التكسي يوصلني لكارس يعني مرس اقرب للعراق من انقرة  مثل ما جاي اشوف بالكوكل ايرث

ممنون يا طيب بارك الله بيك

الغالي جوسي هههه عمي يا دراسة يا قنصل  اني اريد اخلص من العراق ايكولون هناك مكتب يو ان اروح اقدم عليه واكعد واسكت بعد ما ارجع ههههههههههههه   مشكور عيوني انته

جوسي البغدادي الوردة تسلملي اخي الكريم
ما اعتقد اكو حاجة للذهاب الى السفارة الجورجية في بغداد لكون عدم  الحاجة الى فيزا مجرد احصل فيزا تركيا فقط وادخل تركيا ومنها الى جورجيا بس المشكلة اني ما مسافر الى تركيا من قبل وما اعرف الطريق انا تأكدت من وجود مكتب للامم المتحدة لشؤزن الاجئين في العاصمة الجورجية تبليسي لذلك اني اريد اروح اقدم على لجوء ويقولون ان جورجيا بلد رخيص وشعبة طيب

 يعني اذا الله سبحانه سهل امري ووصلت ولقيت مكتب الامم المتحدة اكيد  الكثير من الاخوان راح يستفادون من هذا الشي ويقدمون من جورجيا خصوصا اخوانه الي في سوريا والي وضعهم الان صعب كان الله في عونهم

 مشكور اخي جوسي على ردك الكيرم حفظك ربي يا طيب

بارك الله بك اخي على هذا الموضوع الحقيقة اول مرة اسمع بوجود فيزا شنكل بسعر 2000$  يعني حتى اذا بيها بصمة ممكن تفيد اشخاص عدهم ضروف خاصة مثل الي مرتب امورة على عمل في اوربا او الي عندة صديقة ممكن يذهب يجرون عقد الزواج هناك ويسجلة ويرجع يعمل لم شمل
جميل جدا هذه الموضوع بس ياريت لو نعرف من هي الدول الي تمنح هاي الفيزا وكيفية الاجرائات وكم تاخذ وقت حتى صدور الفيزا الحقيقة انا محتاج هاي الفرصة جدا

اشكركم اخواني على المساعدة بارك الله بيكم يا طيبين  اني افضل ان اذهب عن طريق البر يعني هم انسب بالنسبة للمصاريف وهم الواحد ايشوف مناطق جميلة يعني زيارة وتسيارة مثل ما يكولون بس ما اعرف هل يوجد بالحدود سيارات تنقلني الى اقرب مدينة على حدود جورجيا او هل يوجد قطار للمسافرين بين تركيا وجورجيا  هي هاي المعلومات الي احتاجا

الف شكر وتحية الكم اخواني الاعزاء

اشكرك اختي بيداء بارك الله بك  يعني الحقيقة مو شرط طيران ممكن ادخل جورجيا برا  هذا هو سؤالي وهل اذا دخلت برا احتاج فيزا ام لا  ومن اي مدينة اذهب الى الحدود الجورجية  واذا اكو طيران من تركيا الى تبليسي ومناسب بعد احسن

ها عيوني شنو محمد عنده معلومات عن هذه الموضوع يا طيبين

السلام عليكم اخواني جميعا ربي يحفظكم
بعد التوكل على الله سبحانه قررت السفر الى جمهورية جورجيا  الحبابة انا من بغداد حبيت استفسر عن طريق السفر للاسف ماكو طيران من بغداد الة العاصمة تبليسي لذلك مجبر يكون السفر عن طريق تركيا

هل يوجد طيران من تركيا الى تبليسي ومن اي مدينة يكون الطيران وكم سعر التذكرة للشخص الواحد

اذا كان السفر عن طريق البر من تركيا الى جورجيا  هل يوجد وسيلة نقل من الحدود العراقية التركية الى الحدود الجورجية واي مدينة تركية هي حدود مع دورجيا وهل احتاج فيزا جورجيا في حال دخولي عن طريق البر

ارجو مساعدتكم لان وقتي اصبح ضيق جدا ان شاء الله خلال ايام لازم اسافر

مع الشكر والتقدير للجميع

كلش محتار

الف شكر على الرد الكريم يعني فعلا اكو مفوضية للاجئين في جورجيا كنت اضن ان الامر مو صحيح , بس اني شفت بالنت موضوع ايكول ان هاي المفوضية تهتم فقط بامور الي ما عدهم جنسية يعني مثل البدون في الكويت
 طيب الان هل تستقبل هاي المفوضية من يريد التقديم على لجوء ام لا  وهل الملفات ترسل الى الدول مثل باقي المكاتب في سوريا والاردن لو يكون التوطين داخل جورجيا فقط ؟؟

الف الف شكر على الرد

معقولة محد عنده خبر عن جورجيا هههههههههههه

السلام عليمن احبتي سمعت خبر يقول بوجود مفوضية لشؤون الاجئين في جمهورية جورجيا وانها تستقبل العراقيين وتوفر لهم سكن ورعاية صحية هل هذا الخبر صحيح وهل يكون التوطين في جورجيا ام  انها توطنهم في دول اخرى كما يحصل في مكاتبها في الاردن وسوريا ولبنان وتركيا
ارجو الرد باخبار مؤكدة احبتي وجزاكم الله كل خير

هاي مو خوش سالفة خوية زرزور لعد شلون ما بقه غير الاردن   الفيزا همينه من بغداد فد 10 ايام يالة تطلع هاي اذا مو رفض والمصيبة بالاردن بس موافقة الداخلية اطول اسبوعين ومعاملة زواج اسبوع هاي 20 يوم والبنية ما عدها غير 10 ايام اجازة من شغلها  هههه اريد اعرف ليش بس العراقي مشعول قلبة ومنتعل والدية شنو  ابتلت الناس لان الله خلقهم عراقيين

يعني هسه ماكو ولا موظف في السفارة الكندية بدمشق ايصدق عقد الزواج ؟؟؟؟

اخوية العزيز شمعة بارك الله بك على الرد الكريم بس كيف السفارة الكندية ما الها علاقة والزوجة كندية وراح تسوي لم شمل من كندا علمود تسحب زوجها وياها
 اعتقد لازم يتصدق في السفارة الكندية او قنصلية لئن الزوجة كندية واكيد من كندا تسوي لم شمل حتى تسحب زوجهه
ممنون منك اخي الكريم على الرد

يعني حته تصديق عقد زواج ماكو ؟؟؟ يعني هيه مو معاملة  لجوء بس مجرد عقد زواج بالمحكمة السورية ويصدق بالسفارة  هاي هية القضية  يعني ما موجود موظف ايصدق العقد هاي شلون مشكلة  ممنون على الرد

والله يا اخي ستيفن الي اعرفة انو السفارة الكندية بس حولت الملفات الى الاردن بس محد كال انها سدت ابوابها وطفرو دبلماسيها هههههههههههه

ههههههههههههههههه هاي شنو ولا احد بقه بسوريا كلهه سافرت لعد تكولون اليو ان مو زينين ويانه ههههههههههههههه

السلام عليكم احبتي سؤالي
 هل محكمة القصر العدلي في دمشق تمارس عملها من اجل عقد زواج فيها لمواطن عراقي ومواطنه كندية
 هل السفارة الكندية  في  دمشق مفتوحه الان وتصدق  عقد زواج سيعقد لزوجين عراقي وكندية
 كيف الاوضاع الان في دمشق هل هيه مستقرة ام لا
 وكم اطول معاملة لم الشمل

شكرا لكم احبتي وجزاكم الله كل خير

نعم اخي الكريم العبادي بس الوقت هوه المشكلة لو اكو قنصلية كندية في اربيل كان كل الامور محلوله لئن البنية موافقه تجي الى اربيل بس تخاف تجي على بغداد والمصيبة  ما كو قنصلية كندية في اربيل  ههههههههههه المشكلة كل شوية ايخابرني ها خوية بشرني هههههههه عبالك اني السفير الكندي  خطية نفسيته كلش تعبت

تسلمين اختي ريم بارك الله بك اني فاهم كلامك بس المشكلة انو صديقي مايكدر  يترك عملة اكثر من 10 ايام واخي العزيز عبادي كال موافقة الداخلية اطول اسبوعين ومعاملة الزاج هم فد اسبوع هاي اكثر من 20 يوم هي هاي المشكلة  العويصة ههههههههههه

ياريت ايصير في اربيل يا كوكي بس المشكلة انو صديقي سئل كلوله  لا توجد قنصلية كندية في كردستان وهم المشكلة السفارة الكندية في بغداد بنص المنطقة الخضراء يعني مستحيل يكدر يدخل الهه هي المشكلة بتصديق  عقد الزواج لازم يتصدق اما في  سفارة او قنصلية كندية  لو تصير في اربيل  كان الامر كلش سهل احسن ما يسافر ومصاريف وتعب  وهم فيزا الاردن صعبة وطول شويه
 بعد ما اعرف اذا اكو قنصلية لكندا في اربيل ام لا
 مشكورة عزيزتي  وبارك الله بك يا طيبة

مشكورة اختي كوكي على المعلومات صديقي اعزب بس هسه الشغلة اتصعبت شويه بعد  اخي الكريم عبادي  في مسئلة موافقة الداخلية والمصيبة يقول انها طول اسبوعين هاي كارثة مع العلم صديقي  عايش في بغداد وهاي اول مرة ايسافر الى الاردن واذ فعلا المحكمة تشترط موافقة الداخلية فهاي مصيبة عضمى ههههههه زين اخوية عبادي ماكو فد حل لهاي المصيبة رحمة لوالديك شوف النه فد طريقة زين ماكو فد محامي شاطر يتكفل بكل هاي الشغلات يعني مال الداخلية والفحص الطبي يعني ايكمل العقد باسرع وقت وشكد تتوقع ياخذ المحامي او المعقب  اكون ممنون منك اخوية او من اي اخ ايساعدنه بهاي الشغلة

بارك الله بيكم على الردود والمعلومات يا طيبين

والله والنعمين منك اختي ريم الوردة وفيتي وكفيتي هاي انتي موسوعة  كلملة هههه تسلميلي اختي ريم وبارك الله بك على هذه الرد الواقي

 بس شفت اخي الكريم عبادي كاتب  + موافقه الداخلية ؟؟؟؟ ما فهمت اي داخلية يقصد العراقية لو الاردنية  وشنو دخل الداخلية  بالموضوع هو كسران ركبة مثل ما قالت ريم ههههههههههههههه

السلام عليكم يا طيبين
 عندي صديقي اتفق ويه سيدة عربية مطلقة تحمل جنسية كندية  ان يتزوجون  نهاية هذا الشهر في عمان الاردن  وطلب مني معلومات عن كيفية الزواج في عمان

1- ماهي المستمسكات المطلوبة من الطرفين
2- هل السفارة العراقية في عمان  تمنحه صورة قيد وكم يطول استخراجها من السفارة العراقية
3- ماهي المستمسكات الاخرى المطلوبة من الزوج غير صورة القيد وجواز السفر
ماهي المستمسكات المطلوبة من الزوجة غير جواز سفرها وورقة الطلاق وهل يجب ان تكون مصدقة من الخارجية الطندية ام يجب تصديقها من السفارة الاردنية في كندا  وهل يجب ترجمة ورقة الطلاق الى العربية ان عادي انكليزي
كم تستغرق عملية الزواج في المحكمة في عمان من وقت
 هل يوجد محامي او شخص ممكن يقوم  بالمساعدة في اسراع اجراء الزواج وكم ياخذ مقابل هذا العمل

تحياتي ومحبتي للجميع واكون ممنون من ردودكم احبتي الكرام

؟؟؟؟؟؟؟؟؟؟؟ ما سامع اكو سفر بالقطار من العراق الى تركيا يعني هل هو من بغداد ام من الموصل ؟؟  اذا اكو من بغداد فاكيد خبر جميل جدا

اخوية العزيز يمته الفرج ادعو الله بحق جميع الانبياء والرسل ان يفرج عليك ويكتبلك التوفيق بكل خطوة تخطيها ما قصرت عيوني انته
هي المشكلة بس بالاقامة اني اريد اروح استقر هناك لان مهما تكون ماليزيا فاكيد افضل من وضع العراق  الحالي  اليوم سالت ولد صديقي كال الاقامة تكلف  ب 40 ورقة اقل شيء اعتقد عن طريق دخول ويه جماعة بشركة او ما ادري شنو ولد صديقي ايدك عليه ايردنه انروح على جمهورية جورجيا  لان بدون فيزا ههههه كتله هم انرد على الاتحاد السوفيتي  هههههه لغتهم مصيبة  بعد ما اعرف وين تصفه بيه اني افضل ماليزيا على باقي الدول لو كانت تركيا رخيصة شوية  وبيها فرص عمل كنت اتوكلت على الله ورحت لكن للاسف معلومات اكثر الاصدقاء ما تشجه
المهم ممنون منك يا طيب على المعلومات القيمة

الف شكر اخواني على معلوماتكم القيمة وجزاكم الله كل خير تبقه المشكلة المستعصية هي الاقامة لكوني لا اعتقد ان ورقة اليو ان توفر اقامة لحاملها مثل تركيا

السلام عليكم اخواني واخواتي الكرام
اتمنى منكم اجابتي على اسئلتي اذا سمحتم بما يخص ماليزيا

ماهي طريقة السفر من بغداد الى ماليزيا او من دول الجوار وهل تحتاج الى فيزا وكم تكلفة تذكرة الطائرة
 كم يمنحوني اقامة حال وصولي  وما هي طريقة الحصول على اقامة سنوية او دائمية وهل التقديم على اليو ان والحصول على وزرقة الحماية ينفع في الحصول على اقامة
 ماهي تكاليف المعيشة والسكن لشخص واحد اعزب  وهل  توجد فرص عمل في ماليزيا تكفي لسد تكاليف المعيشة
اشكركم مقدما احبتي وادعو الله سبحانه ان يسهل عليكم كل اموركم

اخوكم كلش محتار

ممنون منك اخي الكريم ابن شط العرب بارك الله بك ما قصرت / الحقيقة ما اعرف هل المحكمة في اربيل يقبلون يعملولي عقد زواج ام لا   انا في بغداد حاليا للاسف ماكو اي وسيلة اتصال مع القنصلية او السفارة السويدية خطيبتي  استخرجت ورقة الطلاق من السويد وكانت باللغة الانكليزية  وان شاء الله غدا تصدقها من وزارة الخارجية السويدية  بعد لازم نشوف شغلة الفيزا هل سفارتنه في السويد يعطوها فيزا  بوقت سريع  لو هم عذاب وهل يقبلون ايصدقون ورقة الطلاق ام لا  هههههههههههههه راح ايصير بيه سكر قبل الزواج

[كلش محتار السلام عليكماولا ً لا تحتار ثانيا ً المحاكم الشرعية تحتاج من الاجنبية ( الغير عراقية ) وثيقتين فقط لا غيرهما ، الاولى جواز سفر والثانية اي وثيقة رسمية مصدقة من خارجية دولتها والسفارة العراقية تثبت انها غير متزوجة اما ( باكر او مطلقة او ارملة ) وتترجم هذه الوثيقة وتصدق لأن القاضي لا يعرف سويدي او هندي.وبعد عقد القران واستخراج عقد الزواج من المحكمة الشرعية بالنسبة للمسلمين او من محكمة الاحوال الشخصية بالنسبة للديانات الاخرى وهنا يعتمد على ديانة الزوج يتم تصديق العقد من الخارجية العراقية وتتم ترجمته لدى مكتب ترجمة معتمد الى اللغة الانكليزية يتم تصديق العقد المترجم وهنا يتم مراجعة السفارة او الدائرة القنصلية وتزويدها بنسخة من الكتاب المترجم والمصدق لتثبيت المعلومات وتصديقها من قبلهم وفي اغلب الاحيان لا يشترط وجود الزوجة او الزوج فأيهما موجود يكون كافيا ً.بالنسبة لك تحتاج الى كتاب من دائرة الاحوال المدنية يثبت انك غير متزوج اي انه ليس لديك زوجة اخرى ايضا ً مصدق من الخارجية العراقية لأن قوانينهم لا تسمح بالزواج من اكثر من واحدة.]

كلش محتار السلام عليكم
اولا ً لا تحتار
ثانيا ً المحاكم الشرعية تحتاج من الاجنبية ( الغير عراقية ) وثيقتين فقط لا غيرهما ، الاولى جواز سفر والثانية اي وثيقة رسمية مصدقة من خارجية دولتها والسفارة العراقية تثبت انها غير متزوجة اما ( باكر او مطلقة او ارملة ) وتترجم هذه الوثيقة وتصدق لأن القاضي لا يعرف سويدي او هندي.
وبعد عقد القران واستخراج عقد الزواج من المحكمة الشرعية بالنسبة للمسلمين او من محكمة الاحوال الشخصية بالنسبة للديانات الاخرى وهنا يعتمد على ديانة الزوج يتم تصديق العقد من الخارجية العراقية وتتم ترجمته لدى مكتب ترجمة معتمد الى اللغة الانكليزية يتم تصديق العقد المترجم وهنا يتم مراجعة السفارة او الدائرة القنصلية وتزويدها بنسخة من الكتاب المترجم والمصدق لتثبيت المعلومات وتصديقها من قبلهم وفي اغلب الاحيان لا يشترط وجود الزوجة او الزوج فأيهما موجود يكون كافيا ً.
بالنسبة لك تحتاج الى كتاب من دائرة الاحوال المدنية يثبت انك غير متزوج اي انه ليس لديك زوجة اخرى ايضا ً مصدق من الخارجية العراقية لأن قوانينهم لا تسمح بالزواج من اكثر من واحدة. 

اخي ابن شط العرب مشكور وجزاك الله كل خير على المعلومات
البنت عربية مسلمة مطلقة  تحمل الجنسية السويدية هل تقصد ان عليها تصديق ورقة الطلاق من الخارجية السويدية والسفارة العراقية  وترجمتها الى العربية في السويد  ثم تاتي بها معها
الزواج سيكون في اربيل ولا اعلم هل يحق لي اجراء الزواج في محكمة اربيل ام لا  وهل يكفي تصديق العقد في القنصلية السويدية في اربيل ام شرط يكون في السفارة في بغداد

اشكرك اخي الكريم على ردك ومعلوماتك بارك الله بك وحفظك